Scene 1

SRI SATYA SAI SEVA SAMITHI,
CHITTIVALASA

ఓం! శ్రీ సాయిరాం!!

శ్రీ సత్యసాయి సేవా సమితి, చిట్టివలస

Scene 2

పిల్లలూ  ఈ రోజు మన బాలవికాస్ లో పరమ భక్తాగ్రేసరుడు, చిన్నతనం లోనే నారాయణుని ప్రసన్నం చేసుకొన్న ధ్రువుడి గురించి తెలుసుకొందామా!! పట్టిన పట్టు వదలక పరమేశ్వరుని దర్శించి, కన్న తల్లిదండ్రులకు సద్గతి అందించిన బాలుడు ధృవుడు .

Scene 3

అయోధ్యా  నగరమును పాలించు ఉత్తానపాదుడికి సునీతి వలన ధ్రువుడు , సురుచి వలన ఉత్తముడు అనే ఇద్దరు కొడుకులు కలిగారు .

Scene 4

ఒకరోజు చిన్నపిల్లవాడైన ధ్రువుడు ,  సురుచి కొడుకు ఉత్తముడు తండ్రి ఒళ్ళో    కూర్చోవటం చూసి తను కూడా వెళ్లి కూర్చుండబోతాడు.

Scene 5

అది చూసిన సురుచి ఒక్కసారిగా ధ్రువుని రెక్క పట్టుకుని లాగి కిందకు పడేసి నీకు అలా తండ్రి ఒళ్ళో కూర్చునే అర్హతే లేదని చెప్తుంది .  దేనికైనా పెట్టి పుట్టాలని వెళ్లి శ్రీహరికి తపస్సు చేసుకుంటే ఎలాంటి కోరికలైనా తీరుస్తాడని చెపుతుంది .

Scene 6

ధ్రువుడు తల్లి సునీతి దగ్గరకి వచ్చి తన బాధ వెళ్ళబుచ్చుకుని , సవతి తల్లి అన్న మాటలన్నీ చెపుతాడు .  తల్లి కూడా అదే మంచిదని చెపుతుంది .  దానితో  ఆ  శ్రీహరిని చూడటానికే నిశ్చయించుకుంటాడు ద్రువకుమారుడు .

Scene 7

అడవికి  వెళ్ళే దారి మధ్యలో నారద మహాముని కనిపించి ధృవుని పట్టుదల తెలుసుకొనదలచి అనేక రకాలుగా మాటలు చెప్పి తిరిగి రాజ్యానికి పంపుదామనుకున్నా ధృవుడు పట్టిన పట్టు విడువక , శ్రీహరిని చూడాలన్న తన కోరికను వెళ్ళబుచ్చుతాడు .  అప్పుడు నారదుడు    ఓం నమో భగవతే వాసుదేవాయ అనే మహా మంత్రాన్ని ఉపదేశిస్తాడు .

Scene 8

ధ్రువుడు శ్రీహరి గురించి తపస్సు చేసే సమయానికి ఆయన వయసు ఐదు సంవత్సరాలని చెపుతుంటారు . ఎన్నో రకాలుగా ఘోరమైన తపస్సు చేసి ఆఖరుకి నారాయణుడిని మెప్పిస్తాడు ఆ చిన్ని ధ్రువుడు .

ఓం నమో భగవతే వాసుదేవాయ

Scene 9

నారాయణుడు శంఖ ,  చక్ర ,  గధాధరుడై ద్రువునికి దర్శనమిచ్చి వరము కోరుకోమంటాడు, అయితే ధృవుడు తన కోరిక మరిచిపోయి విష్ణు సాన్నిధ్యం కోరుకొంటాడు.   అయితే ఆ స్థానాన్ని పొందే ముందు రాజ్య పాలన చేయమని నారాయణుడు ఆజ్ఞాపిస్తాడు .  ఆ విధంగా నారాయణుడిని ప్రసన్నం చేసుకొని ఆశీర్వాదం పొందిన ధ్రువుడు తిరిగి రాజధాని చేరుకొంటాడు .  రాజధాని చేరుకొనిన ధ్రువుడిని చూసి తండ్రి ఉత్తానపాదుడు సంతోషం పొంది ,  రాజ్యానికి పట్టాభిషేకం చేసి వానప్రస్థాశ్రమమునకు వెళ్తాడు .

Scene 10

ధ్రువుడు రాజ్యపాలన లో ఎన్నో దాన ధర్మాలు చేసి ,  యజ్ఞ యాగాదులు చేసి తరువాత రాజ్యాన్ని తన కూమారుడికి అప్పగించి ,  తపస్సు చేసుకోవడానికి బదరికాశ్రమానికి వెళ్ళిపోతాడు .

Scene 11

ఒకరోజు నందసునంద అనే ఇద్దరు నారాయణ సేవకులు దివ్యవిమానం మీద ధ్రువుడిని తీసుకొని వెళ్ళడానికి వస్తారు .      ఇలా  నారాయణుడిని చేరుకుంటాడు ధ్రువుడు .

Scene 12

నేటికీ  మనకు కనిపించే ధ్రువనక్షత్రము ధ్రువుడికి    నారాయణ మీదున్న భక్తి ఫలంగా లభించినదే అని చెబుతారు .

Slide 1

Page 1 (0s)

Page 2 (10s)

Page 3 (24s)

Page 4 (34s)

Page 5 (44s)

Page 6 (57s)

Page 7 (1m 9s)

Page 8 (1m 24s)

Page 9 (1m 36s)

Page 10 (1m 54s)

Page 11 (2m 5s)

Page 12 (2m 15s)