Scene 1

"ТАСАЛГААНЫ ЗАРИМ УРГАМЛЫГ ТАРЬЖ,  АРЧЛАХ "ЗӨВЛӨМЖ . 

Scene 2

 1.Гэрлийг тохируулах  2.Усалгаа 3. Бордоо ба тэжээл  4. Ургамлын тайралт ба хэлбэржүүлэлт 5.Тасалгааны ургамлыг үржүүлэх арга  6.Өвчин , хортонтой тэмцэх  7. Тасалгааны ургамлыг арчлахад анхаарах зүйлс  

Scene 3

Тасалгааны ургамлыг ерөнхийд нь:    Цэцгээрээ Навчаараа чимэглэдэг гэж хоёр ангилдаг. 

Scene 4

ЦЭЦГЭЭРЭЭ ЧИМЭГЛЭДЭГ УРГАМЛУУД  

Scene 5

НАВЧААРАА  ЧИМЭГЛЭДЭГ УРГАМЛУУД  

Scene 6

Ургамалд гэрэл дутагдвал  иш нь сунаж,   навч нь цайж зөөлрөх,  хэлбэр нь өөрчлөгдөх,  цэцгийн тоо цөөрч,  заримдаа цэцэглэлт нь зогсох,  өнгөө алдах зэрэг үзэгдлүүд гардаг.  Иймд ургамлыг тасалгаандаа зөв байрлуулж гэрэл ,  дулааныг тохируулах хэрэгтэй.  Дулааны улиралд тасалгааны цэцгийг гадаа байлгах буюу гэрийнхээ хамгийн гэрэл ихтэй газар байлгах хэрэгтэй.  Мөн тасалгааны ургамалд ч гэсэн цэвэр агаар хэрэгтэй болдог учраас дулаахан өдрүүдэд цонх,  салхивчаа нээн агаар оруулж байгаарай.  

Scene 7

Усалгаа бол бүх арчилгааны эхлэл байдаг.  Ихэнх тасалгааны ургамлын усалгааг намрын сүүл сараас эхлэн багасгаж,  хаврын эхэн сараас дахин нэмэх хэрэгтэй болдог.  Тэгэхээр хавар,  намрын цагт цэцгийг  өглөө,  оройдоо тогтмол услах хэрэгтэй.  Цэцгийг услахын өмнө эхлээд хөрсөө тэмтэрч үзэх нь чухал.  Өнгөн хөрс хатсан мөртлөө 1 сантиметрийн гүнд чийг мэдрэгдэж байвал услах шаардлагагүй.  Харин чийг мэдрэгдэхгүй өнгөн хөрс хатсан тохиолдолд цэцгийг ёроолд нь ус тунатал услах хэрэгтэй.  Харин хүйтэн ус нь цэцгийн хөрсийг ургуулахгүй өвчлүүлдэг тул аль болох тасалгааны температуртай ижил хэмтэй усаар усална.  Мөн цэцэгнийхээ хажууд савтай ус тавих юм уу,  цэцгийн навчийг шүршиж чийглэж байх хэрэгтэй.  Гэхдээ үсэрхэг зузаан  навчтай цэцгийг шүршдэггүй гэдгийг санаарай.  Навчийг зөөлөн шүршүүрт угаах нь үзэмж болон ургалтад сайнаар нөлөөлнө. Үслэг навчтай ургамлуудыг усаар цэвэрлэж болохгүйг анхаарах хэрэгтэй. 

Scene 8

Ургамлын өсөлтийн үед азот,  цэцэглэлтийн үед фосфор,  калийн бордоог хэрэглэнэ.  Тасалгааны ургамлын ургах хөрс бага тул амархан мууддаг.  Иймд байнгын бордоо тэжээл шаарддаг ч хэмжээнээс хэтэрсэн тэжээл  ургамалд хортой нөлөө үзүүлнэ Ингэхдээ хэрэглэх бордооны хэмжээ 1 литр усанд 1-1. 5 грамм,   калийн давс 1. 5-2. 0 грамм,  фосфор 3. 0-4. 0 граммыг тус тус хийж сайн уусгаад ургамлын навч цэцгэнд хүргэлгүй услах маягаар бордох хэрэгтэй.  Цэцэглэдэг ургамлыг цэцгийн булцуу үүсэхээс цэцэглэлт төгсөх хүртэл,  мөнх ногоон ургамлыг гуравдугаар сараас 11 дүгээр сар хүртэл 15-20 хоногийн зайтай бордоно.  Мөн хавар,  намрын улиралд ургамлыг усалсны дараа 40-50 минут болоод хоёр долоо хоногт нэг удаа бордох нь тохиромжтой.  Ялзмаг болон кофены шаарыг бага хэмжээгээр ургамлын хөрсөнд холих нь сайн чанарын бордоо болдог.  . 

Scene 9

УРГАМЛЫН ТАЙРАЛТ БА ХЭЛБЭРЖҮҮЛЭЛТ  

Хавар нь ургамлыг шилжүүлэн суулгах хамгийн тохиромжтой үе.  Хоёрдугаар сарын сүүлчээс дөрөвдүгээр сарыг дуустал ургамлыг тайрч хэлбэржүүлэлт хийдэг.  Ялангуяа шимтэглэй,  хятад сарнай,  хумсан будаг,  мөнхцэцэгт хайтан зэрэг ургамлуудыг 2-3 нахиатайгаар ишний өндрийн гуравны нэгийг үлдээж огтолно.  Гурав,  дөрөвдүгээр сард тасалгааны ургамлыг шилжүүлэн суулгана.  Шилжүүлэн суулгах цэцгийн үндэс хэт урт ургасан бол үзүүрийн хэсгээс тайрч,  үндэсний хэсгийн ялзарч муудсан,  шарласан хэсгийг авч,  үндэсний хүзүүг амсраас доош 1 сантиметрт байхаар зориулалтын хөрсөнд суулгана.  Суулгасны дараа хөрсийг нэвтэртэл усалж,  нарны хэт тусгалаас хол,  сэрүүвтэр,  гэрэл багатай газар 1-3 хонуулна.  Шинээр суулгасан ургамлыг сарын дотор бордож болохгүй. 

Scene 10

ТАСАЛГААНЫ УРГАМЛЫГ  ҮРЖҮҮЛЭН ТАРИХ 

Тасалгааны ургамлыг  олон аргаар үржүүлэн тарьж болдог.  Тухайлбал,  мөчрөөр үрслүүлж болдог. Нэгдүгээрт: 4-5 үеийн доогуур ишнээс нь тайрч усанд хийнэ.  Уг мөчрийн 1/3 нь усанд байх хэрэгтэй.  Усны хатуулгийг арилгахын тулд усыг нэг өдөр сойно.  Тиймээс үндэслүүлж байгаа цэцгийнхээ усыг өдөр бүр солих шаардлагагүй.  Бага багаар ус нэмж болно.  Энэ ургамлаа гэрэлтэй буюу дулаан газар байлгавал 3-4 долоо хоногийн дараа иш нь бүдүүрч ирээд үндэс нь гарч эхэлдэг.  Энэ үед нь шороонд суулгаарай. Хоёрдугаарт: Навчаар ургуулдаг ургамлын боловсорч гүйцсэн навчыг 3-4 см урт иштэй тайрч усанд хийж,  дээгүүр нь юмаар бүрж орхино.  Уг цэцгийг салхилуулж усыг нэмбэл сайн.  Үндэслээд 2 см болмогц шороонд суулгана. Гуравдугаарт: Ургамлын  ишнээс 3-8 см урттайгаар хайчилж аваад доод хэсэгт нь байгаа навчийг авч хаяна.  Харин дээд талын том навчийг хагас болгон хайчлах нь уурших талбайг бага болгоно.  Төмөр буюу хуванцар сав авч ёроолд нь хэд хэдэн нүх гаргаад жижиг чулуу буюу модны нүүрс дэвсээд дээр нь чийглэг зөөлөн хөрс нэмээд үндэслүүлэх гэж буй мөчрөө суулган элсээр бүрхэж услаарай.  Ингээд шинэ суулгасан ишээ шилээр хөмөрч хаагаад гэрэлтэй дулаан газар тавиад хааяа усална.  Хэрэв шинэ навч гарах юм бол цэцэг ургаж эхлэхийн тэмдэг.  

Scene 11

ӨВЧИН, ХОРТОНТОЙ ТЭМЦЭХ 

Хүйтэн усаар хэт их усалснаас болж цэцэг өвчилж,  ургалт зогсдог.  Тасалгааны ургамалд хортон шавьж гарвал махор тамхийг дэвтээж шүүгээд шингэлж угаах буюу усална.  Мөн  цэцгийг битүү нийлэг хальсан уутаар бүрж цэцгийн саван дотор тамхи асааж тавих аргаар хортонтой тэмцэж болно.  Сонгино,  сармисыг жижиглэн хэрчиж 200 мл усанд дэвтээгээд шүүсэн усаа хэрэглэх нь ч муугүй гэдгийг санаарай.         . Гэрийн нөхцөлд ургуулсан цэцэг илүү тэвчээртэй өвдөх нь бага байдаг.  Элбэг тохиолддог өвчин түгээгч нь жижиг наадмал хорхой болох ногооны бөөс.  Энэ бөөс нь ургамлын шим шүүсийг сорсноор навч мушгирч,  хатаж,  нахиа нь махийж тахийдаг.  Энэ бөөс нь халуухан,  гандуухан зун ихээхэн үрждэг.  .  

Scene 12

ТАСАЛГААНЫ УРГАМЛЫГ АРЧЛАХАД ДАРААХ ЗҮЙЛСИЙГ АНХААРАЙ.  . 

Усалгааг хэтрүүлж болохгүй.  Энэ нь үндсэнд ус төдийгүй агаар хэрэгтэй учир усалгааг хэтрүүлбэл агааргүйтэж үхдэг. Тайван байдалд оруулах.  Цэцэг хүртэл тайван орчинг үгүйлдэг.  Тасалгааны ихэнхи цэцэг өвөл амарч тайван байдалд байдаг байна.  Энэ үед усалгааг багасгах хэрэгтэй байдаг. . Агаарыг чийглэх арга хэмжээ авах.  Төвлөрсөн халаалттай сууцанд өвөл агаар багабайдаг.  Агаарыг ургамалд тохиромжтой байхуйц чийглэх хэрэгтэй. Өвчин хортон илэрсэн тохиолдолд түргэн устгах.  Ургамлын өвчинд нэрвэгдсэн эхний шатанд таниж сурах хэрэгтэй.   

Scene 13

Ургамал бүрийг шаардлагад нь нийцүүлэн оновчтой байрлуулах.  Зарим цэцэг наранд дуртай,  зарим нь шулуун бус тусгалд дуртай,  зарим нь сэрүүн орчинд л цэцэглэдэг гэх мэт өвөрмөц онцлогтой байдаг учир үүнийг харгалзан үзэж цэцгээ байрлуулах хэрэгтэй. Ургамал бүрийг арчлах зааврыг зөв баримтлах. Унтлагын өрөөнд цэцэг байрлуулах нь зохимжгүй.  Тиймээс зочны болон том өрөөнд байрлуулах нь зүйтэй. Хэт жижиг саванд тарьвал цэцэг сайн ургадаггүй.  Аль болох том саванд ургамлыг байрлуулах нь сайн.  Нөгөөтэйгүүр цэцгийнхээ хөрсийг сийрэгжүүлж,  жилдээ 1 хөрсийг нь солих хэрэгтэй.   Эдгээр зарчмыг баримталсан тохиолдолд таны тарьсан ургамал байнгын өнгө үзэмж сайтай байж таны сэтгэл эргэн тойронд тань халуун,  дулаан уур амьсгал мэдрүүлэх болно. 

Тасалгааны-ургамлын-арчилгаа.pptx

Page 1 (0s)

Page 2 (5s)

Page 3 (21s)

Page 4 (28s)

Page 5 (34s)

Page 6 (40s)

Page 7 (1m 14s)

Page 8 (2m 7s)

Page 9 (3m 11s)

Page 10 (4m 1s)

Page 11 (5m 22s)

Page 12 (6m 14s)

Page 13 (6m 51s)

Page 14 (7m 34s)